Heildarafli næsta fiskveiðiárs ákveðinn

Sigurður Ingi Jóhannsson, sjávarútvegs- og landbúnaðarráðherra hefur tekið ákvörðun um heildarafla tiltekinna fisktegunda fyrir næsta fiskveiðiár 2014 til 2015 en ráðherra fylgir tillögum Hafrannsóknarstofnunnar um ráðlagðan heildarafla í öllum tegundum

„Mér finnst mikilvægt að viðhalda orðspori okkar meðal fiskveiðiþjóða og á markaðssvæðum sem sjálfbær nýtingarþjóð sem byggir ákvarðanir sínar á vísindum. Mér finnst einnig  mikilvægt að við tryggjum sem best gæði og getu til rannsókna. Því kalla ég eftir  samstarfi og samráði  vísindamanna og sjómanna því reynsla sjómanna stangast stundum á við niðurstöðu  vísindanna,“ er haft eftir Sigurði Inga í tilkynningu frá ráðuneytinu.

Samhliða ákvörðun um heildaraflamark verður gefin út reglugerð sem felur í sér breytingu á leyfilegum heildarafla í makríl. Ráðgjöf Alþjóða hafrannsóknarráðsins (ICES) var hækkuð í 1.011 þúsund tonn í maí. Var heildaraflinn því aukinn í 167.826 tonn til  samræmis við þau 16,6% af ráðgjöf sem tekin var ákvörðun um í apríl.

Hér að neðan má sjá ákvörðun fyrir einstaka fisktegundir samanborið við ráðgjöf Hafrannsóknarstofnunnar. Til samanburðar fylgir með ákvörðun ráðherra um heildarafla árana 2013 til 2014

Tegund	Ráðgjöf Hafrannsóknastofnunar  2014/2015  Lestir	Ákvörðun um heildarafla  2014/2015  Lestir	Ákvörðun um heildarafla 2013/2014
Blálanga	3.100	3.100
Djúpkarfi	10.000	10.000	10.000
Grálúða	25.000*	14.100	12.480
Gullkarfi	48.000	45.600	52.000
Gulllax	8.000	8.000
Humar	1.650	1.650	1.750
Íslensk sumargotssíld	83.000	82.200	87.000
Keila	4.000	3.700	5.900
Langa	14.300	13.800	13.500
Langlúra	1.100	1.100	1.100
Litli karfi	1.500	1.500
Sandkoli	1.000	1.000	0.5
Skarkoli	7.000	7.000	6.500
Skrápflúra	0	0	0.2
Skötuselur	1.000	1.000	1.500
Steinbítur	7.500	7.500	7.500
Ufsi	58.000	58.000	57.000
Úthafsrækja	5.000	5.000
Rækja við Snæfellsnes	600	600
Ýsa	30.400	30.400	38.000
Þorskur	218.000	216.000	214.000
Þykkvalúra/Sólkoli	1.600	1.600	1.600

Úr töflunni má lesa að heildarafli í þorski, gullkarfa, löngu, grálúðu og keilu en minni en ráðgjöf stofnunarinnar. Að sögn ráðuneytisins er það vegna væntra veiða Norðmanna, Færeyinga og Grænlendinga í lögsögunni í samræmi við tvíhliða samninga