Dagur steig upp í gröfuna

Dagur B. Eggertsson, formaður borgarráðs, tók fyrstu skóflustunguna að grunni nýs fjölbýlishúss við Skyggnisbraut 8 – 12 – Friggjarbrunn 55-57 í Úlfarsárdal.

Dagur gerði sér lítið fyrir og steig upp í gröfuna og sýndi skemmtilega takta eins og sjá má á myndskeiðinu hér að neðan.

Um er að ræða fjölbýlishús með 51 íbúð sem ætlaðar verða til leigu fyrir fjölskyldufólk.  Red I hf. byggir fjölbýlishúsið en fyrirtækið hyggst reisa tvö fjölbýlishús í Úlfársárdal með 112 íbúðum sem ætlaðar eru til útleigu.

Íbúðir í fjölbýlishúsunum verða flestar 3-4 herbergja og verða fyrstu íbúðirnar tilbúnar um næstu áramót.

Skóflustungan var tekin klukkan tvö í dag að Skyggnisbraut 8-12.

Daníel Rúnarsson, ljósmyndari 365, var á svæðinu og náði þessum skemmtilegu myndum sem fylgja fréttinni. Daníel tók einnig myndbandið.

líklega best að halda sig við borgarstjórnina. Hótaði verktökunum að mæta aftur á gröfuna ef þeir kysu mig ekki. Töff http://t.co/B3dP0mYM15

— Dagur B. Eggertsson (@Dagurb) February 21, 2014