Gengu á milli borða og drukku úr glösum gesta

Lögreglunni á höfuðborgarsvæðinu var tilkynnt um par sem kom á hótel í austurborginni í nótt en fólkið fór án þess að greiða fyrir mat og drykk sem það hafði fengið sér.

Parið var á hóteli rétt hjá þar sem var árshátíð og þar gekk fólkið á milli borða og drakk úr glösum gesta. Þau eru einnig grunuð um að hafa stolið veski . Þau gistu fangageymslur lögreglu og verður rætt við þau þegar þau vakna.

Í nógu var að snúast hjá lögreglunni í austurborginni í nótt eins og oft er um helgar. Ungur maður var handtekinn í teiti í austurborginni grunaður um eignaspjöll og hótanir. Hann var ölvaður og hafði boðið sér til veislunnar sjálfur. Hann var vistaður í fangageymslu. Annar maður var handtekinn í Austurborginni. Sá var í mjög annarlegu ástandi og er grunaður um vörslu fíkniefna, hann fékk sömuleiðis að gista fangageymslu.

Í austurborginni þurfti lögregla einnig að hafa afskipti af konu sem grunuð er um vörslu og sölu fíkniefna.