Flutningaskip á reki á Faxaflóa

Stórt flutningaskip með 18 manna áhöfn er nú á reki á Faxalóa, um það bil 15 sjómílur suður af Arnarstapa, eftir að bilun varð í aðalvél þess í gærkvöldi.

Þegar ljóst varð að skipverjum tækist ekki að lagfæra biluninaa óskaði skipstjórinn eftir aðstoð klukkan þrjú í nótt og er nú verið að búa varðskipið Þór til að sækja skipið og draga það til hafnar. Það er á hægu reki til austurs, en það langt frá landi að hætta er ekki á ferðum.

Þetta er 4,500 tonna gámaflutningaskip , sem var að koma úr strandsiglingu á leið til Reykjavíkur.