Eyþór á eftir að velja jakka

Jónatan Garðarsson, fararstjóri íslenska Eurovision hópsins í Malmö, segir þau vera mjög upptekin við æfingar og blaðamannafundi þar ytra. ,,Það er brjálað að gera“, segir Jónatan.



Aðspurður segir hann ekkert sérstakt lag eða þjóð vera í uppáhaldi hjá hópnum, þar sem að þau hafi ekki haft færi á að hlusta á lögin eða fylgjast með flytjendunum á æfingum vegna anna. Dagskráin sé gífurlega þétt setin.

 

„Svo á Eyþór ennþá eftir að velja sér jakka til að vera í, kannski hann smelli sér bara í fánalitina fyrst hann syngur á íslensku“, segir hann léttur í bragði. „Það eru nokkrir jakkar sem koma til greina.“