Íslendingur rekur VIP þjónustu í London

Unnar Helgi Daníelsson Beck stofnaði skemmtanaþjónustuna Reykjavík Rocks í maí 2011, þar sem þjónustan snérist um að fara með útlendinga á helstu skemmtistaði borgarinnar. Reksturinn gekk eins og í sögu, en viðskiptavinir hans voru m.a. stórstjörnur á borð við Sean Parker, Sean Lennon, Liv Tyler og Busta Rhymes. Í byrjun þessa árs ákvað hann að færa út kvíarnar, fluttist til London og rekur þar London Rocks.

,,Ég tók spontant ákvörðun um að fara til London og láta reyna á þetta þar í byrjun janúar. Við erum auðvitað bara á byrjunarstigi núna en það getur verið mikil vinna að fá réttu kontaktana í svona stórri borg eins og London er. Þetta gengur nú samt vonum framar. Það það eru strax mjög þekktir einstaklingar orðnir möguleikir viðskiptavinir, t.d. Busta Rhymes sem nýtti sér þjónustu Reykjavík Rocks og einnig hefur Chris Brown sýnt okkur áhuga", segir Unnar.

Unnar vill bjóða Íslendingum sem eiga leið um London að nýta sér þjónustuna og skoða skemmtanalífið þar með sér, það geti nefnilega verið mjög erfitt og tímafrekt að finna réttu staðina til að fara á þekki maður borgina ekki. Hann segist sjálfur hafa búið í london um tíma árið 2009 og aldrei vitað almennilega hvert best væri að fara. Unnar segir staðina sem hann fer á með London Rocks ekkert slor. Meðal þeirra er The Box, VIP skemmtistaður sem stjörnur eins og Kate Moss, Emma Watson og Snoop Dogg sækja reglulega.

,,Ég var mega heppin að hafa gert þennan díl við the The Box, þetta er eiginlega alveg fáránlega stórt dæmi. Það er rosalega erfitt að fá aðgang til að fara inn og vinur minn sem er umboðsmaður hérna úti hefur t.d bara komist inn einu sinni. Ég fangaði athygli konunnar sem sér um staðinn fyrir að vera í áberandi jakka eftir íslenska hönnuðinn MUNDA og þannig komst ég í kynni við rétta fólkið. Þessi jakki dregur alla að manni í London, enda fáránlega mikill töffarajakki".

Unnar segir viðbrögðin við London Rocks hafa verið vonum framar og hlutina gerst hratt. Meðal annars hefur vinur Unnars sem er meðlimur í popphljómsveitinni Black Eyed Peas verið að kynna starfsemina fyrir mögulegum viðskiptavinum, svo það er augljóst að Unnar er vel tengdur. Hann hugsar stórt og er stefnan tekin á að stofna samskonar þjónustu í Berlín og New York á næstu árum.

Þeir sem eiga leið um London og hafa áhuga á að taka þátt í ævintýrum Unnars með London Rocks geta haft samband við hann á unnar@reykjavikrocks.is eða á facebook.