Formaður kynntur í dag

Nýr formaður Samfylkingarinnar verður kynntur á landsfundi Samfylkingarinnar á Hlíðarenda í dag, en er úrslitin verða kunngjörð klukkan háltólf fyrir hádegi. Í framboði voru Guðbjartur Hannesson, velferðarráðherra og Árni Páll Árnason, fyrrverandi efnahags- og viðskiptaráðherra. 5.500 greiddu atkvæði í kjörinu sem var rafræn kosning allra félagsmanna dagana 18.-28. janúar. Miklu færri greiddu atkvæði nú en árið 2005 þegar Ingibjörg Sólrún Gísladóttir og Össur Skarphéðinsson tókust á um embætti formanns en þá greiddu 12.015 félagsmenn atkvæði.