Getur vel leikið Ninu

Zoe Saldana fer með hlutverk djasstónlistarkonunnar Ninu Simone í nýrri kvikmynd sem byggð er á ævi Simone og nefnist einfaldlega Nina. Gagnrýnisraddir hafa verið uppi um hvort Saldana hafi hentað í hlutverkið. Í viðtali við tímaritið Allure blæs Saldana á gagnrýnisraddirnar.

„Ég skal segja ykkur það, ef Elizabeth Taylor gat leikið Kleópötru, þá get ég leikið Ninu. Gagnrýnin skiptir mig engu. Ég mun heiðra uppruna minn, hann er hluti af þeirri manneskju sem ég er,“ sagði leikkonan. Saldana fer með hlutverk Nyota Uhura í kvikmyndinni Star Trek: Into Darkness sem frumsýnd var hér á landi í síðustu viku.