Einkaþota handa Suri

Leikarinn Tom Cruise hefur eytt um 550 milljónum króna í leigu á einkaþotu svo að dóttir hans Suri geti heimsótt hann þegar hún á afmæli síðar í mánuðinum.

Suri, sem verður sjö ára 18. apríl, býr hjá móður sinni Katie Holmes í New York. „Peningar skipta Cruise engu máli þegar Suri er annars vegar. Hann gerir allt til að vera hjá henni,“ sagði heimildarmaður götublaðsins The Sun. Cruise hefur áður leigt flugvél fyrir dóttur sína. Síðast flaug hún til London og var hjá honum í fimm daga í febrúar þegar hann lék í myndinni All You Need Is Kill.