Zola Jesus á Airwaves

Fjöldi listamanna hefur bæst við tónlistarhátíðina Iceland Airwaves sem verður haldin í fimmtánda sinn í haust.

Í erlendu deildinni eru það breski R&B elektródúettinn Aluna George, bandaríska iðnaðarelektródívan Zola Jesus, Robert Forster úr The Go-Betweens, hin sænskættaða Mariam The Believer, sem spilar blöndu af blús, poppi og rokki undir persneskum áhrifum, bandaríska indípopptríóið On An On, kanadíska elektrósveitin DIANA og bresku vúdúpoppararnir í Stealing Sheep.

Í íslensku deildinni hafa bæst við Mammút, Vök, Grísalappalísa og fleiri flytjendur.