Berry öskraði á ljósmyndara

Halle Berry og Olivier Martinez voru allt annað en sátt við fjölda papparassa-ljósmyndara sem biðu eftir leikaraparinu á flugvellinum í Los Angeles þegar það lenti eftir afslappandi frí á Havaí á mánudag.

Parið hafði vart stigið út úr vélinni þegar ljósmyndararnir hópuðust í kringum það, smelltu myndum í gríð og erg og héldu uppi fyrirspurnum um fríið. „Drullið ykkur burtu! Það eru börn hérna, hvað í andsk… er að ykkur,“ öskraði Berry með unga dóttur sína í fanginu. Franskur unnusti hennar mun einnig hafa sparkað í einn af ljósmyndurunum áður en þau drifu sig á burt og heim í glæsivilluna sína.