Spá í nöfn

Kim Kardashian segist ekki vera búin að ákveða nafn á ófætt barn þeirra Kanye West. Uppi var orðrómur um að parið ætlaði að nefna barnið North og væri þá fullt nafn þess North West, sem hægt væri að þýða sem Norðvestur á okkar ylhýra.

Í viðtali við Extra viðurkenndi Kardashian að hún gæti vel hugsað sér að halda í fjölskylduhefðina og gefa barninu nafn sem hefst á bókstafnum K. „Það gæti verið sætt, því nöfn okkar Kanye byrja á K. En flest nöfnin á listanum okkar hefjast ekki á þeim bókstaf,“ sagði raunveruleikastjarnan.