Mætti í draggi í áheyrnarprufu

Steven Tyler, söngvari Aerosmith, mætti óvænt í draggi í áheyrnarprufu fyrir American Idol.

Tyler, sem er nýhættur sem dómari í keppninni, mætti með ljósa hárkollu, andlitsfarða, í stuttu pilsi og með gervibrjóst.

Dómararnir Mariah Carey, Keith Urban, Nicki Minaj og Randy Jackson gátu ekki annað en hlegið að uppátækinu. Tyler var svekktur yfir því að komast ekki áfram í næstu umferð. Hann þakkaði fyrir sig og óskaði nýjum dómurum góðs gengis.

„Mig langaði bara að mæta og segja hæ. Ég elska ykkur. Gangi ykkur vel á þessu ári.“