Vill ekki fá Stewart í heimsókn

Leikarinn Robert Pattinson hefur tjáð kærustu sinni, Kristen Stewart, að hafa ekki fyrir því að heimsækja sig til Ástralíu. Þar er Pattinson staddur við tökur á myndinni The Rover en samkvæmt blaðinu Star Magazine ku Pattinson vera að skemmta sér vel milli taka.

Sást meðal annars til hans á skemmtistað í Adelaide daðrandi við stúlkur ásamt samstarfmönnum sínum.

Mikið hefur gengið á í sambandi parsins síðastliðna mánuði, eftir að Stewart viðurkenndi framhjáhald með leikstjóranum Rupert Sanders í sumar. Pattinson ákvað að fyrirgefa Stewart og allt virtist leika í lyndi yfir hátíðarnar. Samkvæmt heimildum blaðsins á Pattinson að hafa sagt við Stewart að hann vildi nýta tímann í Ástralíu til að hugsa sinn gang.

Framhjáhald Sanders og Stewart hefur því haft miklar afleiðingar fyrir báða aðila. Þau kynntust við tökur á myndinni Snow White and the Huntsman þar sem Sanders leikstýrði Stewart. Eiginkona leikstjórans til tíu ára, leikkonan Liberty Ross, sótti um skilnað við hann í vikunni eftir marga mánaða hjónabandsráðgjöf.