Missti 70 kg - hætti að borða hveiti og sykur

Hanna María Alfreðsdóttir ferðamálafræðingur setti meðfylgjandi mynd af sér á Facebook á sunnudaginn var þar sem sjá má gríðarlegan mun á henni eftir að hún tók mataræðið föstum tökum með eftirfarandi skilaboðum:



"Í tilefni af bolludegi à morgun: Þetta er àstæða þess að ég vigta matinn minn. Þetta er ástæðan að ég fæ mér ekki bollu á morgun og að ég nota ekki laugardaga eða aðra daga í nammidaga. Þetta er ástæðan að ég borða ekki sykur, hveiti og sterkju."



Við spurðum Hönnu út í árangurinn.

"Ég hef lést um rúm 70 kíló. Það var árið 2006 sem þessi mynd var tekin og ég fékk ógeð. Mér dauðbrá við að sjá hana. Þá ákvað ég að gera eitthvað í mínum málum. Ég byrjaði í allskonar megrunum en ég hef prófað allt. Ég gekk meira að segja svo langt að lifa bara á vantsmelónu í tvo daga bara til að fá góða tölu í vigtun. Ég náði ágætis árangri en varð síðan ólétt árið 2009 og fór hratt upp aftur."

"Ég tók út sykur, hveiti og sterkju og vigta matinn minn og fann lausn í samtökum fyrir matarfíkla. Svo er ég með besta þjáfara í heimi, henni Telmu sem að pískrar mig áfram, þá á ég líf í dag sem ég lifi lifandi einn dag í einu."

Samtök fyrir matarfíkla: www.gsa.is , www.matarfikn.is og www.oa.is .