Lífið

Þetta er bara spurning um að skipuleggja sig

Guðmundur Hafþórsson íþróttafræðingur skrifar
Í dag virðist það vera þannig að fólk ætlar að sigra heiminn á hverjum degi. Það er svo mikið að gera að það er furða að fólk hafi tíma til þess að sofa, klæða sig og annað. Stærsta og helsta afsökun fyrir því að fólk er í lakara ástandi í dag en fyrir 20 árum síðan er sú að það einfaldlega hefur ekki tíma fyrir líkamsrækt svo ég tali nú ekki um að elda matinn sinn. Það er miklu meira af skyndibita og þannig finnur fólk sér afsökun til þess að vinna lengur og nálgast þar af leiðandi frekar óhollustuna.

Nú er það þannig að HIIT, High Intensity Interval Training, er í boði fyrir alla. Þetta er bara spurning um að skipuleggja sig. En hvað er HIIT eiginlega?

HIIT er einfaldlega lotuþjálfun sem skiptist á milli þess að vinna á hárri og lágri ákefð til skiptis. HIIT er gríðarlega árangursrík leið til að koma sér í form. Nokkrar rannsóknir hafa sannað það eins og sjá má hér að neðan.

Líkamsfitan lækkaði Rannsókn frá 2001 skilaði niðurstöðum eftir átta vikna þjálfun, en um var að ræða annars vegar HIIT hóp og hinsvegar þennan hefðbundna þolþjálfunarhóp. Kom þar í ljós að á átta vikum þá lækkaði HIIT hópurinn um 2% af meðallíkamsfitu á meðan hefðbundni hópurinn minnkaði fituprósentu ekkert.

 Á ráðstefnu ACSM (American College of Sport Medicine) árið 2007 voru niðurstöður úr rannsókn sem Florida State háskólinn framkvæmdi en þar kom í ljós að hópur sem framkvæmdi HIIT þjálfun brenndi 10% fleiri Kkal (e. kílókaloríum) en hópurinn sem framkvæmdi hefðubundna þolþjálfun á miðlungs ákefð þrátt fyrir að heildar Kkal brennsla var sú sama á æfingum.

Heldur í vöðva sem eru til staðar Ekki nóg með það að HIIT auki eftirbrennsluna og fitutap heldur hjálpar HIIT þér að halda í vöðvana sem þú hefur. Ef við skoðum maraþon hlaupara og spretthlaupara þá sérðu að það er gríðarlega mikill munur á vöðvastærð sem og fyllingu vöðva. Spretthlaupari þjálfar að mestu í HIIT þjálfun á meðan maraþon hlaupari er meira í þessari hefðbundnu þjálfun.

 Lesa meira um HIIT hér - meistarathjalfun.com.


Tengdar fréttir

Hugsum vel um heilsuna - vertu með okkur á Facebook

Við ætlum að gleðja tvo lesendur, karl og konu, á Facebooksíðu Lífsins á mánudaginn næsta með því að gefa gjafakörfur sem eru sérútbúnar fyrir hann og fyrir hana í samvinnu við Gengurvel.is sem selur fyrsta flokks heilsuvörur til að bæta heilsu fólks.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.