Hunger Games-stjörnurnar Jennifer Lawrence og Liam Hemsworth komust í hann krappann í partíi fyrir aðstandendur kvikmyndarinnar Hunger Games: Catching Fire á kvikmyndahátíðinni í Cannes um helgina.
Jennifer og Liam sátu í sófa í teitinu og allt í einu datt súla ofan á þau en ofan á súlunni var bakki með kertum. Leikararnir ruku upp úr sófanum og sem betur fer slasaðist enginn.
Jennifer og Liam létu þetta ekki eyðileggja kvöldið og skemmtu sér konunglega í partíinu.
