Spurning um að hressa upp á rómantíkina

Hér eru fimm leiðir til að hressa upp á rómantíkina fengnar af vefnum Siggalund.is.

Brjótið upp hefðirnar

Venjur drepa niður rómantíkina vegna þess að mannskepnan verður mjög fljótt leið á hlutum. Þess vegna elskum við að vera komið á óvart og að lenda í ævintýrum. Ef ástarlífið er farið að verða leiðinlegt, gerðu þá eitthvað öðruvísi.



Tengist tilfinningalega á hverjum degi

Ef þið heyrist ekki á daginn, eyðið ekki miklum tíma saman getur það orðið vandræðalegt að ætla svo allt í einu að fara að káfast utan í hvort öðru um miðja nótt. Tengist tilfinningalega, því gott kynlíf kemur af sterkum tilfinningum.

Farið á stefnumót

Ef líf ykkar krefst þess að þið verðið að setja sambandið í síðasta sæti, skipuleggið þá sérstakan tíma fyrir ykkur tvö. Þessi stefnumót geta verið mjög mikilvæg og gefið ykkur mikið þar sem þið vitið að þið eruð að gera þetta til að viðhalda sambandinu.

Tjáið ykkur

Margir makar eiga erfitt með að tjá tilfinningar sínar og rómantískar þarfir við hinn aðilann. Oft heyrir maður "ef ég þarf að segja hvað ég vil, þá er það ekkert gaman!" En það er bara ekkert of sniðugt, þá getur maður eytt dýrmætum tíma í að finna út hvað hinum líkar og þar með misst af ómetanlegum stundum með maka sínum.

Búið til smá spennu

Ástríða sprettur af spennu sem hleðst upp þegar fólk þarf að yfirvinna hindranir. Það eykur orku þína og hjálpar þér að vera skapandi. Stundum getur verið gaman að setja upp tímabundnar hindranir.

Siggalund.is