Búið spil hjá The Mars Volta

Bandaríska rokksveitin The Mars Volta hefur lagt upp laupana eftir tólf ára samstarf.

The Mars Volta var stofnuð úr rústum harðkjarnasveitarinnar At the Drive-In, en söngvarinn Cedric Bixler-Zavala og gítarleikarinn Omar Rodríguez-Lopez voru báðir meðlimir hennar.

Proggskotið tilraunarokk The Mars Volta vakti heimsathygli og hljóðritaði sveitin alls sex breiðskífur á ferli sínum, en plata þeirra, De-Loused in the Comatorium, er oft nefnd sem eitt besta byrjendaverk síðari ára. Þá vann sveitin til fjölda verðlauna á meðan hún starfaði, en meðal þeirra má nefna hin eftirsóttu Grammy-verðlaun, sem sveitin hlaut árið 2009.

Gítarleikarinn Rodríguez-Lopez situr þó ekki auðum höndum og vinnur nú að 25. sólóplötu sinni á aðeins níu árum.