Krefst þess að biskup víki Sigríði úr starfi Boði Logason skrifar 22. apríl 2013 13:47 Gunnar Þorsteinsson, betur þekktur sem Gunnar í Krossinum, krefst þess að biskup víki Sigríði Guðmarsdóttur, sóknarpresti í Grafarholti, úr starfi og fái ekki að gegna sambærilegu starfi á kirkjulegum vettvangi til frambúðar. Ástæðan er pistill sem Sigríður skrifaði á vefsíðu sína fyrr í mánuðinum. Þetta kemur fram í kvörtunarbréfi sem lögmaður Gunnars sendi til Agnesar M. Sigurðardóttur biskups um miðjan mánuðinn, og fréttastofa hefur undir höndum. Gunnar hefur farið í mál við tvær talskonur, sjö kvenna sem ásökuðu Gunnar um kynferðislegt ofbeldi á vefmiðlinum Pressunni. Í kvörtunarbréfinu segir lögmaður Gunnars að fram að þessu hafi umbjóðandinn látið gagnrýnisraddir sem vind um eyru þjóta „enda gagnrýnin iðulega sett fram að fullkomnu þekkingarleysi á atvikum málsins og þeim réttarreglum sem um er að tefla.“ Segir í bréfinu að öðru máli gegni hins vegar þegar starfandi prestar fjalla um mál sem þetta, enda njóta þeir almennt virðingar og trausts í samfélaginu. Þann 11. apríl síðastliðinn birti Sigríður á vefsíðu sinni grein þar sem hún segir meðal annars: „Ég styð rétt Krosskvennanna til að lýsa opinberlega ofbeldinu sem þær hafa orðið fyrir. ég hef líka valið að trúa þeim og sögu þeirra.“ Í kvörtunarbréfinu segir: „Með þessum ummælum tekur Sigríður einarða afstöðu í málinu og lýsir yfir stuðningi við ætlaða þolendur. Þá fela ummælin í sér að umbjóðanda mínum er borið á brýn refsiverð háttsemi, enda fullyrt að hinir ætluðu þolendur hafi orðið fyrir ofbeldi af hálfu umbjóðanda míns og að Sigríður leggi trúnað í frásögn þeirra.“ Telur Gunnar að ummælin feli í sér grófa árás á æru sína og brjóti í bága við almenn hegningarlög, enda hafi Gunnar aldrei verið dæmdur fyrir refsiverðan verknað af nokkru tagi. „Umbjóðandi minn lítur það alvarlegum augum að þjónandi prestur þjóðkirkjunnar telji sig þess umkominn að kveða upp úr um sekt eða sýknu umbjóðanda míns á opinberum vettvangi. Vart þarf á það að minna að slíkt er hlutverk dómstóla en ekki presta eða annarra starfsmanna þjóðkirkjunnar,“ segir í kvörtunarbréfinu. „Með hliðsjón af alvarleika brots prestsins er þess krafist að biskup ákveði að Sigríður skuli ekki gegn núverandi starfi eða sambærulegu starfi eða köllun á kirkjulegum vettvangi til frambúðar. Ef ekki verður á það fallist er þess beðist að gripið verði til þess úrræðis að veita Sigríði skriflega áminningu,“ segir í bréfinu. „Í öllu falli er þess krafist að Sigríði verði gert að fjarlægja umrædda grein af vefsvæði sínu sigridur.org og hlekkir inn á síðuna fjarlægðir af vefsíðunum tru.is og kirkjan.is.“ Þá segir í bréfinu að óhjákvæmilegt sé að Sigríði verði vikið úr starfi sóknarprests í Grafarholti á meðan um mál hennar er fjallað og annar prestur settur til að gegna starfi hennar á meðan. Þegar fréttastofa hafði samband við Sigríði eftir hádegi vildi hún ekki tjá sig um málið.Athugið: Í upphaflegri frétt um málið, var sagt frá því að Gunnar hefði farið í mál við fimm konur, sem ásökuðu hann um kynferðislegt ofbeldi. Það er ekki rétt, konurnar eru tvær - og eru þær talskonur sjö kvenna sem ásökuðu Gunnar. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Heimamanna bíður það verkefni að finna nafn á nýja lónið sem er komið til að vera Innlent Helga aðeins 15 mínútur að landa fyrsta laxinum Innlent Hítará hefur fundið sér nýjan farveg Innlent Veiðileyfasali fékk engar bætur dæmdar fyrir þjófnað í Kjarrá Innlent Sigurþór ráðinn framkvæmdastjóri SVFR Innlent Dularfulla minkagildruhvarfið Innlent Allt eftirlit hert vegna veiðiþjófa við Elliðaár Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira
Gunnar Þorsteinsson, betur þekktur sem Gunnar í Krossinum, krefst þess að biskup víki Sigríði Guðmarsdóttur, sóknarpresti í Grafarholti, úr starfi og fái ekki að gegna sambærilegu starfi á kirkjulegum vettvangi til frambúðar. Ástæðan er pistill sem Sigríður skrifaði á vefsíðu sína fyrr í mánuðinum. Þetta kemur fram í kvörtunarbréfi sem lögmaður Gunnars sendi til Agnesar M. Sigurðardóttur biskups um miðjan mánuðinn, og fréttastofa hefur undir höndum. Gunnar hefur farið í mál við tvær talskonur, sjö kvenna sem ásökuðu Gunnar um kynferðislegt ofbeldi á vefmiðlinum Pressunni. Í kvörtunarbréfinu segir lögmaður Gunnars að fram að þessu hafi umbjóðandinn látið gagnrýnisraddir sem vind um eyru þjóta „enda gagnrýnin iðulega sett fram að fullkomnu þekkingarleysi á atvikum málsins og þeim réttarreglum sem um er að tefla.“ Segir í bréfinu að öðru máli gegni hins vegar þegar starfandi prestar fjalla um mál sem þetta, enda njóta þeir almennt virðingar og trausts í samfélaginu. Þann 11. apríl síðastliðinn birti Sigríður á vefsíðu sinni grein þar sem hún segir meðal annars: „Ég styð rétt Krosskvennanna til að lýsa opinberlega ofbeldinu sem þær hafa orðið fyrir. ég hef líka valið að trúa þeim og sögu þeirra.“ Í kvörtunarbréfinu segir: „Með þessum ummælum tekur Sigríður einarða afstöðu í málinu og lýsir yfir stuðningi við ætlaða þolendur. Þá fela ummælin í sér að umbjóðanda mínum er borið á brýn refsiverð háttsemi, enda fullyrt að hinir ætluðu þolendur hafi orðið fyrir ofbeldi af hálfu umbjóðanda míns og að Sigríður leggi trúnað í frásögn þeirra.“ Telur Gunnar að ummælin feli í sér grófa árás á æru sína og brjóti í bága við almenn hegningarlög, enda hafi Gunnar aldrei verið dæmdur fyrir refsiverðan verknað af nokkru tagi. „Umbjóðandi minn lítur það alvarlegum augum að þjónandi prestur þjóðkirkjunnar telji sig þess umkominn að kveða upp úr um sekt eða sýknu umbjóðanda míns á opinberum vettvangi. Vart þarf á það að minna að slíkt er hlutverk dómstóla en ekki presta eða annarra starfsmanna þjóðkirkjunnar,“ segir í kvörtunarbréfinu. „Með hliðsjón af alvarleika brots prestsins er þess krafist að biskup ákveði að Sigríður skuli ekki gegn núverandi starfi eða sambærulegu starfi eða köllun á kirkjulegum vettvangi til frambúðar. Ef ekki verður á það fallist er þess beðist að gripið verði til þess úrræðis að veita Sigríði skriflega áminningu,“ segir í bréfinu. „Í öllu falli er þess krafist að Sigríði verði gert að fjarlægja umrædda grein af vefsvæði sínu sigridur.org og hlekkir inn á síðuna fjarlægðir af vefsíðunum tru.is og kirkjan.is.“ Þá segir í bréfinu að óhjákvæmilegt sé að Sigríði verði vikið úr starfi sóknarprests í Grafarholti á meðan um mál hennar er fjallað og annar prestur settur til að gegna starfi hennar á meðan. Þegar fréttastofa hafði samband við Sigríði eftir hádegi vildi hún ekki tjá sig um málið.Athugið: Í upphaflegri frétt um málið, var sagt frá því að Gunnar hefði farið í mál við fimm konur, sem ásökuðu hann um kynferðislegt ofbeldi. Það er ekki rétt, konurnar eru tvær - og eru þær talskonur sjö kvenna sem ásökuðu Gunnar.
Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Heimamanna bíður það verkefni að finna nafn á nýja lónið sem er komið til að vera Innlent Helga aðeins 15 mínútur að landa fyrsta laxinum Innlent Hítará hefur fundið sér nýjan farveg Innlent Veiðileyfasali fékk engar bætur dæmdar fyrir þjófnað í Kjarrá Innlent Sigurþór ráðinn framkvæmdastjóri SVFR Innlent Dularfulla minkagildruhvarfið Innlent Allt eftirlit hert vegna veiðiþjófa við Elliðaár Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira