Mætum tímanlega á leikinn

Knattspyrnusamband Íslands hvetur allar til að mæta tímalega á leik Íslands og Albaníu í kvöld og leggja löglega.

Fjöldi bílastæða er í Laugardalnum og aðeins lítill hluti þeirra beint fyrir utan Laugardalsvöllinn.

Á myndinni hér að neðan má sjá hvar hægt er að finna bílastæði í göngufæri við Laugardalsvöll.

Leikurinn hefst klukkan 19:00 og fer fram á Laugardalsvelli en áhorfendum verður hleypt inn á völlinn klukkustund fyrir leikinn.

Uppselt varð á leikinn í gær og því má búast við tæplega tíu þúsund manns á Laugardalsvellinum í kvöld.

Þá er minnt á að strætisvagnar stoppa víðsvegar í kringum Laugardalinn og geta verið afar góður kostur fyrir marga vallargesti.

Hér að neðan má síðan sjá færslu sem Stefán Eiríksson, yfirlögregluþjónn, setti inn á Twitter í morgun. Það kostar 5000 íslenskar krónur að leggja ólöglega.

Landsleikur í kvöld - lykilatriði að falla ekki í rangstöðugildruna utan vallar sem innan. Kostar 5000 kall utan vallar #fotbolti

— Stefán Eiríksson (@logreglustjori) September 10, 2013