120 manns gengu óskaddaðir frá borði

Stórstígar framfarir í hönnun og framleiðslu flugvéla undanfarin ár er talin helsta ástæða þess að ekki létust fleiri þegar suður-kóresk farþegaþota brotlenti í San Francisco í gærkvöldi. 180 manns slösuðust og tveir létust á meðan ríflega 120 manns gengu óskaddaðir frá borði.

307 manns voru um Boeing 777 farþegaþota Asiana flugfélagsins, þar af 16 í áhöfn vélarinnar, á leið hennar frá Seoul til San Francisco.

Talið er að flugvélin hafi komið of hratt og of bratt inn lendingar með þeim afleiðingum að hún rakst í varnargarð við enda flugbrautarinnar. Stélið brotnaði af og eldur læsti sig í þaki vélarinnar.

Tvær kínverskar unglingsstúlkur létust en þó er ekki útilokað að tala látinna hækki eitthvað þar sem fimm manns eru alvarlega slasaðir. Það þykir mikil mildi að fleiri hafi ekki farist í slysinu.

Boeing 777 vélarnar þykja með þeim öruggustu í heimi. Mikil framþróun hefur orðið undanfarin ár í hönnun og byggingu flugvéla, með það að markmiði að auka öryggi farþega. Þáttur í því er að draga úr þeim tíma sem tekur að rýma vélina. Mun það hafa skipt sköpum í gæ. Við fyrstu athugun virðist ekkert hafa verið að flugvélinni og horfa menn því einna helst til að flugmönnum vélarinnar hafi orðið á mistök.

Hægt er að horfa á frétt Stöðvar 2 um málið í spilaranum hér fyrir ofan. Hún hefst eftir um 14:30 mínútur.