Innlent

Harkalegu handtökunni vísað til ríkissaksóknara

Valur Grettisson skrifar
Lögreglan á höfuðborgarsvæðinu hefur ákveðið að vísa handtöku á konu sem náðist á myndband í miðborg Reykjavíkur, til rannsóknar hjá ríkissaksóknara.



Vísir birti í gærkvöldi myndband af harkalegri handtöku þar sem lögreglumaður sást fleygja konu utan í bekk og þaðan í jörðina. Svo virðist sem hún hafi hrækt á hann skömmu áður.



Stefán Eiríksson, lögreglustjóri á höfuðborgarsvæðinu, vildi ekki tjá sig við fréttastofu umfram það sem stóð í tilkynningu lögreglu.



Hér má lesa tilkynninguna í heild sinni:



Athygli lögreglunnar á höfuðborgarsvæðinu hefur verið vakin á myndbandi sem birt var á samfélagsmiðlum seint í gærkvöldi. Þar má sjá aðfarir eins lögreglumanns við handtöku á konu í miðborg Reykjavíkur nú um helgina.



Eftir skoðun á myndbandinu hefur verið ákveðið að vísa málinu til ríkissaksóknara til rannsóknar, en samkvæmt 35. gr. lögreglulaga nr. 90/1996 fer ríkissaksóknari með rannsókn mála vegna ætlaðra brota lögreglumana við framkvæmd starfa þeirra. Ríkisslögreglustjóri hefur einnig verið upplýstir um málið.

Tengd skjöl


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.