Borðaði fjögur þúsund kaloríur á dag

Leikarinn Benedict Cumberbatch er hvað þekktastur fyrir að leika einkaspæjarann Sherlock Holmes sem er klár í kollinum en afar renglulegur.

Benedict þurfti að taka vel á því til að leika illmennið John Harrison í nýjustu Star Trek-myndinni, Into Darkness.

"Ég borðaði fjögur þúsund kaloríur á dag og æfði í tvo tíma daglega. Ég þurfti auk þess að mæta á æfingar til að æfa brelluatriði og slagsmálasenur. Þetta voru mestu líkamlegu kröfur sem hafa verið gerðar til mín fyrir hlutverk," segir Benedict í viðtali við tímaritið SFX. Hann segir karakter sinn í myndinni ekkert lamb að leika sér við.

"Hann er hryðjuverkamaður. Hann er líka andlegur hryðjuverkamaður sem getur sett hugmyndir í höfuð fólks sem eru jafn skaðlegar og sprengjur. Hann er líka klókur í að egna fólk upp á móti hvort öðru."

Dragðu Tarotspil dagsins hér.