Lífið

Allt stress farið úr líkamanum

Ellý Ármanns skrifar
Lífið spurði Unni Eggertsdóttur stuttlega um undirbúninginn fyrir morgundaginn þegar hún flytur lagið Ég syng eftir Elízu Newman, Gísla Kristjánsson og Ken Rose í söngvakeppni sjónvarpsins sem fram fer í Hörpu.

Unnur og vinkonur hennar, dansararnir Tara og Sandra, eftir keppnina síðasta laugardag á heimili Unnar.
Dansar með góðum vinkonum



Hvernig ganga æfingarnar? "Þær bara ganga ofboðslega vel. Stelpurnar sem dansa með mér, Tara og Sandra, kenna með mér dans í World Class. Við erum búnar að kenna saman í mörg ár, sett upp nemendasýningar og komið fram saman á trilljón sýningum. Mér finnst mjög þægilegt að vera með dönsurum sem ég þekki svona vel og hef unnið rosalega mikið með. Við erum mjög góðar vinkonur."

"Við æfðum reyndar meira fyrir síðasta laugardag en nú er rútínan komin. Við erum miklu afslappaðri að koma fram í Hörpu á morgun. Allt stressið er farið úr líkamanum. Ég var svo rosalega stressuð fyrir síðasta laugardag en ég fann hvað þetta var auðvelt. En það kemur samt pottþétt annað kvöld rétt áður en ég stíg á svið en þá nýtist það mér bara á jákvæðan hátt."
Verður í nýjum kjól á morgun



Ætlar þú að breyta einhverju í atriðinu? "Já ég verð í nýjum kjól. Er með tvo æðislega stílista, Huldu Halldóru og Elísabetu Ölmu, sem vinna með mér. Þær fundu kjól sem var aðeins lagfærður og gerður að mínum. Hann er appelsínurauður á litinn úr siffoni. Rosalega fallegur og stelpulegur."

Hér eru stúlkurnar á æfingu.
Hvetur fólk til að syngja með

Skiptir máli að kjóllinn sé þægilegur? "Já það er rosalega mikilvægt að líða vel og sérstaklega fyrir þetta atriði."

Eitthvað að lokum? "Bara að allir njóti kvöldsins vel og hafi gaman. Og allir fá hér með leyfi til að syngja með hástöfum."

Þessi mynd var tekin af Unni í Efsaleiti á laugardaginn var.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.