Hún er ógeðsleg mannvera

Poppsöngkonan Lady Gaga stendur í ströngu þessa dagana en fyrrverandi aðstoðarkona hennar, Jennifer O'Neill, kærði hana fyrir að borga sér ekki yfirvinnutíma sem hún hafði unnið.

Málið er nú fyrir dómi og skóf lafðin ekkert af því hvernig konu Jennifer hefur að geyma í vitnisstúkunni.

"Hún er ógeðsleg mannvera og rotta sem er að reyna að fá peninga sem hún vann ekki fyrir. Hún heldur að hún sé drottning alheimsins. Og vitiði hvað? Hún vildi ekki vera þræll drottningar því í mínu starfi er ég drottning alheimsins á hverjum degi," sagði Lady Gaga meðal annars í sex klukkutíma löngum vitnaleiðslum.

Jennifer telur sig eiga 393 þúsund dali inni hjá lafðinni, tæplega fimmtíu milljónir króna. Gaga segir hins vegar að þetta sé rugl og að Jennifer hafi verið hræðileg aðstoðarkona sem svaf til hádegis og gerði ekki handtak.

Þú gætir unnið - vertu með okkur á Facebook.