Þessi stúlka hefur alltaf borið nafn sitt með reisn

Daginn sem Héraðsdómur Reykjavíkur komst að þeirri niðurstöðu að Stúlka Bjarkardóttir Rúnarsdóttir fær að heita Blær fagnaði hún ásamt vinum og fjölskyldu. Björk Eiðsdóttir móðir Blævar gaf okkur leyfi til að skyggnast í fjölskyldualbúmið þeirra.

"Okkur líður alveg ótrúlega vel. Brosið verður ekki þurrkað af okkur mæðgum. Blær hefur aldrei heitið annað en Blær en nú fékk hún vissa uppreisn æru og hefur rutt brautina fyrir framtíðar Blævum," segir Björk.

Meðfylgjandi símamyndir tók Björk það sem eftir lifði af þessum eftirminnilega degi.

"Við mæðgur ásamt Arnari Þór Stefánssyni, lögmanni okkar sem lét þetta allt gerast og hafði trú á málstaðnum frá degi 1. Án hans væri Blær enn stúlka."

"Við mæðgur eigum magnaða vini og þessar bárust okkur í morgunsárið ásamt baráttukveðjum daginn stóra."

"Þessi stúlka sem hefur alltaf borið nafn sitt með reisn og stolti fékk loks staðfestingu á því. Það fannst henni svolítið góður dagur."

"Afi og amma afhentu henni "Blævarbikarinn" til eigu og með fallegri áletrun. Hann hefur fengið verðugan stað."

"Vinkonuhópurinn mætti til að fagna sigrinum."

"Um kvöldið var fagnað á veitingastaðnum Uno og móttökurnar voru ekki af verri gerðinni."