Rihanna staðfestir samband við Chris Brown

Söngkonan Rihanna er komin aftur á fast, og sá heppni er enginn annar en Chris Brown.

Þrátt fyrir að þessi fyrrverandi fyrrum kærasti hennar hafi gengið í skrokk á söngkonunni og hlotið fyrir það dóm, hefur Rihanna tekið við honum aftur. Þetta staðfestir hún í samtali við Rolling Stone, og segist ekki ætla að láta álit annarra hafa áhrif á ákvörðun sína.

Orðrómar hafa verið á kreiki undanfarið um þetta umdeilda par, og saup heimurinn hveljur þegar söngkonan birti myndir á Twitter á nýársdagsmorgunn, þar sem söngfuglarnir tveir höfðu það náðugt uppi í rúmi. Og nú eru þau kærustupar.