Missti fóstur

Söngkonan Beyone á dótturina Blue Ivy Carter sem er næstum því þrettán mánaða. Færri vita að Beyonce fór í gegnum þá sáru reynslu að missa fóstur áður en Blue Ivy varð til.

"Ég varð ólétt í fyrsta sinn fyrir um það bil tveimur árum síðan. Ég heyrði hjartslátt barnsins sem var fallegasta tónlist sem ég hafði á ævi minni heyrt," segir Beyonce í heimildarmyndinni Life Is But a Dream sem verður sýnd á HBO í þessum mánuði.

Hún og hennar heittelskaði, rapparinn Jay-Z, voru að vonum í skýjunum með óléttuna og undirbjuggu allt.

"Ég valdi nöfn. Ég ímyndaði mér hvernig barnið mitt myndi líta út. Ég var mjög móðurleg," segir Beyonce. Nokkrum vikum seinna missti hún fóstur og reyndi að takast á við missinn í gegnum tónlistina.

"Ég fór í stúdíóið og samdi döprustu lög sem ég hafði nokkurn tímann samið. Það var besta meðferðin fyrir mig því þetta er það daprasta sem ég hef gengið í gegnum."

Þú gætir unnið - vertu með okkur á Facebook.