Þetta hlýtur að vera fótósjoppað

Sjónvarpskokkurinn Nigella Lawson lítur mjög vel út á myndum sem teknar voru fyrir nýja bandaríska þáttinn hennar, The Taste. Hún lagði mikla áherslu á að myndirnar af henni yrðu ekki fótósjoppaðar en eitthvað hefur það breyst.

"Það var spennandi tilhugsun að vera á skilti um öll Bandaríkin en ég var mjög hörð og sagði að það mætti ekki laga á mér magann og fótósjoppa mig," skrifar Nigella á bloggið sitt.

Ef myndirnar eru hins vegar bornar saman við myndir af Nigellu á rauða dreglinum þá er frekar augljóst að eitthvað hefur verið átt við myndirnar.

Blaðafulltrúi Nigellu hefur neitað að tjá sig um þetta mál.

Þú gætir unnið - vertu með okkur á Facebook.