Ný ást – hola í höggi

Golfarinn Tiger Woods ku vera búinn að finna ástina á ný í örmum skíðakonunnar Lindsey Vonn. Þau hafa víst sést saman að undanförnu í Austurríki í skíðabrekkunum.

Þetta er ekki í fyrsta sinn sem Lindsey er orðuð við frægan íþróttamann. Hún skildi við eiginmann sinn Thomas Vonn í nóvember árið 2011 og þá spruttu upp sögur um að hún væri að deita ruðningsstjörnuna Tim Tebow.

Tiger hefur ekki gert hosur sínar grænar fyrir neinni konu síðan hann skildi við Elin Nordegren árið 2009 í kjölfar uppljóstrunar um raðframhjáhald hans.

Þú gætir unnið - vertu með okkur á Facebook.