Rihanna sendir frá sér fatalínu

Rihanna tilkynnti um það á dögunum að hún myndi senda frá sér sína fyrstu fatalínu á tískuvikunni í London nú í febrúar. Söngkonan leggur því lokahönd á línuna þessa dagana, en hún er unnin í samstarfi við fatamerkið River Island og mun bera nafnið Capsule. Í augnablikinu hvílir mikil leynd yfir öllu saman, en Rihanna hefur sett tvær myndir inn á Instagram fyrir aðdáendur sína ásamt því að hafa einu sinni klæðst samfesting úr línunni sem var að sjálfsögðu myndaður í bak og fyrir.

,,Mig hefur langað til að byrja að hanna föt alveg síðan ég varð ástfangin af tísku", segir hún um málið.

Það verður spennandi að sjá hver lokaútkoman verður.