Býður mömmu á Óskarinn

Þó að lítið gangi í ástarlífinu hjá sjarmörnum Bradley Cooper þá er leiklistarferill hans á uppleið. Hann hlaut tilnefningu til Óskarsverðlaunanna í vikunni sem besti leikarinn og er löngu búinn að ákveða með hverjum hann fer á verðlaunahátíðina.

Bradley ætlar nefnilega að bjóða móður sinni Gloriu með á herlegheitin.

"Ó, já. Það var ákveðið. Þegar ég byrjaði í þessum bransa sagði mamma að hún yrði deitið mitt ef ég yrði einhvern tímann tilnefndur," segir Bradley.

Bradley er tilnefndur fyrir frammistöðu sína í kvikmyndinni Silver Linings Playbook sem talin er af mörgum vera ein besta kvikmynd síðasta árs.

Þú gætir unnið - vertu með okkur á Facebook.