Ég er ekki kynþokkafull

Leikkonan Anne Hathaway hefur fengið mikið lof fyrir frammistöðu sína í kvikmyndinni Les Misérables sem frumsýnd verður á Íslandi á næstunni. Hún hefur þó oft glímt við ímyndarvandræði og finnst leiðinlegt að hún sé ekki álitin svöl.

"Ég er ekki Rihanna. Ég er ekki svöl. Fólk vill oft frekar knúsa mig en að taka mynd af mér þegar það sér mig út á götu því það fílar mig sem leikkonu. Í langan tíma börðumst ég og umboðsmaður minn við heiminn. Ég var álitin góð stelpa, mjög ljúf og ekki áhugaverð. Ég var ekki álitin kynþokkafull," segir Anne í viðtali við Harper's Bazaar.

Anne er líka hrædd við að eldast í bransanum.

"Það hjálpar ekki að sjá þessar nýju, glæsilegu stúlkur sem eru 22ja ára."

Þú gætir unnið - vertu með okkur á Facebook.