Vill taka lyfin sín í meðferð

Búið er að dæma söng- og leikkonuna Lindsay Lohan í níutíu daga meðferð en pían er með vissar kröfur varðandi vistina sem á að fara fram á lokaðri stofnun.

Lindsay vill eingöngu fara í meðferð ef hún fær að taka lyf sín við ofvirkni og athyglisbresti þar. Stúlkan er búin að taka þessi tilteknu lyf daglega í nokkur ár og segist ekki geta lifað daginn af án þeirra.

Lindsay var dæmd í meðferð fyrir stuttu vegna þess að hún laug að lögreglumönnum er þeir rannsökuðu bílslys í Malibu í júlí á síðasta ári.

Stelpan hefur ekkert slakað á síðan dómur féll og hefur eytt síðustu dögum í Brasilíu á djamminu.

Dragðu Tarotspil dagsins hér.