Asahláka og slæmt ferðaveður víða um landið

Veðurstofan varar við slæmu ferðaveðri sunnan- og vestanlands í dag. Það verður hvöss sunnanátt, allt upp í 20 metra á sekúndu og má búast við snöprum vindstrengjum við fjöll.

Jafnframt því verður flug hált á flestum vegum á þessu svæði og reyndar hálka um allt land. Lögreglan á höfuðborgarsvæðinu varar við mikilli hálku í dag og beinir því sérstaklega til gangandi vegfarenda að fara gætilega, því gangbrautir eru víðast hvar svellaðar.

Slökkviliðið á höfuðborgarsvæðinu er líka í viðbragðsstöðu vegna hættu á vatnsleka inn í hús, og beinir það því til fólks að hreinsa frá niðurföllum.