Tíu mánaða gamall veðurfréttatími í loftið

Ríkissjónvarpið bauð upp á endursýningu á 10 mánaða gömlum veðurfréttatíma að loknum tíufréttum í gærkvöld. Trausti Jónsson, veðurfræðingur, greinir frá þessu á bloggsíðu sinni.

„Þá fengum við að sjá - í heilu lagi - veðurfréttir frá 23. ágúst 2011. Hversu margir tóku eftir þessu? Er hugsanlegt að fréttatíminn hafi verið jafngamall líka? Voru þetta allt gamlar fréttir?" spyr Trausti.

Trausti spyr jafnframt hvort hægt væri að sýna gamlan fréttatíma, eða fótboltaleik, án þess að nokkur taki eftir því.