Íslenskar vefsíður þróaðar

Vefsíður íslenskra fjármálafyrirtækja komu vel út úr könnun sem Framkvæmdastjórn ESB framkvæmdi á vefsíðum 562 fjármálafyrirtækja í Evrópu. Voru alls tíu íslenskar vefsíður skoðaðar og var ekki gerð athugasemd við nokkra þeirra.

Könnunin náði til allra 27 aðildarríkja ESB auk Íslands og Noregs. Markmiðið var að komast að því hvort neytendur hefðu aðgang að upplýsingum sem skulu vera aðgengilegar samkvæmt neytendalöggjöf ESB. Einungis 30 prósent vefsíðna voru alfarið í samræmi við reglur.- mþl