Mancini þreyttur á spurningum um fortíðina

Roberto Mancini segist vera orðinn þreyttur á spurningum blaðamanna um hvort hann hafi verið nálægt því að fara frá Manchester City síðastliðið vor.

Mancini neitaði ekki fregnum að hann hafi rætt við franska liðið Monaco á síðustu leiktíð og sagði þá að hann hafi verið nálægt því að fara til sjö eða átta liða.

Enginn veit fyrir víst hvort hann hafi verið að grínast eða hvort hann hafi rætt við önnur lið.

„Ég skil ekki af hverju þið eruð að spyrja mig um síðasta ár og síðasta mánuð. Þetta er búið. Af hverju, hvaða ástæða er fyrir því?"

„Ég er hér vegna þess að vinna mín er hér. Ég hef unnið hér í tvö ár. Ég hef byggt upp lið með stjórnarformanninum og eigandanum. Við höfum unnið þrjá titla í tvö ár. Við unnum ekkert í 50 ár á undan."

Mancini sló hnefa í borð þegar að blaðamenn héldu áfram að spyrja á þessum nótum. „Þið verðið að bera stundum virðingu fyrir öðrum. Ég skil ekki af hverju þið haldið áfram að spyrja mig að þessu. Af hverju?"