Ein og hálf milljón í húfi

Úrslitaþáttur Dans Dans Dans, og jafnframt síðasti þátturinn í seríunni, verður sýndur á RÚV í kvöld. Þá ræðst það hver fer með sigur úr býtum í þessum geysivinsæla dansþætti.

Sex atriði eru í úrslitum og er óhætt að lofa gífurlega spennandi keppni. Steve Lorenz keppir tvisvar þetta kvöld, annars vegar með parkour-snillingnum Arnari Orra, og hins vegar einn.

Þórey Birgisdóttir dansar líka sóló og svo sýna pörin Hanna Rún og Siggi, sem lentu í öðru sæti í síðustu seríu, Birkir Örn og Helga Kristín og Denise og Þorkell listir sínar.

Þá tekur hljómsveitin Steed Lord lagið Precognition og Berglind Ýr Karlsdóttir, sigurvegari síðustu seríu, verður með skemmtiatriði. Þess má geta að Berglind er systir Birkis Arnar sem keppir til úrslita.

Til mikils er að vinna en siguratriðið fær eina og hálfan milljón króna í verðlaun. Annað sæti fær sex hundruð þúsund í sinn hlut og þriðja sætið þrjú hundruð þúsund.

Lífið fékk að fylgjast með æfingu í gær og var vægast sagt mikil stemning meðal dansaranna.

Þú gætir unnið - vertu með okkur á Facebook.