Steingrímur sló á áhyggjur bænda

Steingrímur J. Sigfússon, sjávarútvegs- og landbúnaðarráðherra, færði Búnaðarþingsfulltrúum þær fréttir í gær að hafi hann einhvern tímann efast um aðild Íslands að Evrópusambandinu þá hafi hann frekar styrkst í þeirri skoðun en hitt.

Ég hef ekki hugsað mér að láta ístaðið dingla laust varðandi hagsmuni íslensks landbúnaðar í þessu máli meðan mér er falin þar á nokkur ábyrgð og hvers vegna ætti ég að gera það? Maður sem er jafn sannfærður nú ef ekki sannfærðari en áður um að það þjónar ekki best okkar hagsmunum að ganga í Evrópusambandið,? sagði Steingrímur.

Orð ráðherra féllu í beinu framhaldi af ræðu Haralds Benediktssonar, formanns Bændasamtakanna, sem lýsti áhyggjum sínum yfir hugsanlegri aðild, en hann telur að málið haldi landbúnaði í landinu niðri. ?Bændur segja því aðeins eitt við þig háttvirtur sjávarútvegs og landbúnaðarráðherra: leiktu þér ekki að eldinum. Þú átt á hættu að aðild verði samþykkt. Gerðu allt sem þú getur til að gæta hagsmuna Íslands.?

Steingrímur lagði þunga áherslu á mikilvægi landbúnaðar; hefðbundinn búskap, fiskeldi og ekki síst ferðamannaþjónustuna. Tölur sýndu jafnframt að um ört vaxandi útflutningsgrein væri að ræða og í ljósi fólksfjölgunar í heiminum væri matur ein öruggasta framleiðsluvara sem muni fyrirfinnast.

- shá