Geðheilsa Hallgerðar og Bergþóru rannsökuð

Brennu-Njáls saga væri ekki næstum því jafn skemmtileg ef aðalsöguhetjurnar hefðu fengið viðeigandi meðferð við geðveilu sinni að mati læknis sem hefur greint flestar söguhetjur Íslendingasagnanna með persónuleikaraskanir af einhverju tagi.

Fyrirlestur Óttars Guðmundssonar á læknadögum í dag vakti mikla kátínu, en þar fór hann í gegnum geðheilsu aðalpersóna Íslendingasagnanna . Þær sem eru einna áhugaverðastar í þessu ljósi eru Hallgerður og Bergþóra úr Njálu sem hann greinir með hambrigðapersónuleikaröskun, sem er hefur stundum verið kallað „að vera borderline".

„Þegar þeim lýstur saman þá er fjandinn laus og þetta sjáum oft í nútíma samfélagi á geðdeildum. Þegar konur eru lagðar inn samtímis þá stenst ekkert fyrir. Aðalmálið er að þær eru báðar afar sveiflóttar í skapi, mjög hefnigjarnar, uppstökkar og skipta heiminum algjörlega í vini og óvini."

En hvernig hefði sagan orðið með konurnar tvær í viðeigandi meðferð? Rögnvaldur segir að sennilega hefði ræst úr málum þeirra á annan máta. „Við hefðum reynt að dempa þessar reiðu konur, reyna að tala við þær. Kannski gefa þeim lyf, kannski ekki." Hann bendir þó á að sagan hefði ekki orðið jafn skemmtileg.

Óttar leggur nú lokahönd á bók um efnið og vonar að hún komi út á þessu ári.

„Ég vona að menn taki þessar sögur ekki jafn alvarlega og áður. Vonandi verður engin sár yfir því að einhver leiki sér aðeins með efnið.