Tíu stjórnmálasamtök skiluðu ársreikningi á réttum tíma

10 stjórnmálasamtök höfðu skilað ársreikningum sínum fyrir árið 2011 til Ríkisendurskoðunar þegar lögbundinn skilafrestur rann út hinn 1. október síðastliðinn. Þetta kemur fram á vef Ríkisendurskoðanda.

Stjórnmálasamtökin sem um ræðir eru eftirfarandi: Borgarahreyfingin, Framsóknarflokkurinn, Hreyfingin, Hægri grænir, flokkur fólksins, Samfylkingin, Samtök fullveldissinna, Sjálfstæðisflokkurinn, Vinstrihreyfingin – grænt framboð, Þinghópur Hreyfingarinnar og Þinglistinn, framboð óháðra í Norðurþingi.

Unnið er að því að fara yfir ársreikninga þeirra stjórnmálasamtaka sem skiluðu skömmu áður en fresturinn rann út og vinna útdrátt úr þeim í samræmi við lög um fjármál stjórnmálasamtaka. Útdrættirnir verða birtir á vef Ríkisendurskoðunar á næstu dögum.