Svartur á leik frumsýnd í Rotterdam

Íslenska kvikmyndin Svartur á leik verður frumsýnd á Alþjóðlegu kvikmyndahátíðinni í Rotterdam sem hefst í lok mánaðarins að því er fram kemur á kvikmyndavefnum Hollywood Reporter. Þar keppir hún í flokki mynda sem eru allar eru frumraunir leikstjóranna.

Myndin er byggð á skáldsögu Stefáns Mána og er í leikstjórn Óskars Þórs Axelssonar. Það vekur athygli í Hollywood að á meðal framleiðenda er danski leikstjórinn Nicholas Winding Refn, sem sló í gegn þar í borg í fyrra með myndinni Drive. Svartur á leik verður frumsýnd hér á landi í mars.