Teknir við kannabisræktun á tveimur stöðum

Lögreglan á höfuðborgarsvæðinu upprætti kannabisræktun á tveimur stöðum í austurborginni í gærkvöldi og lagði hald á plöntur og tæki til ræktunar. Nokkrir menn af asískum uppruna stóðu að þessari ræktun.

Í báðum tilvikum var ræktunin í íbúðum í fjölbýlishúsum. Í öðru tilvikinu fundust 70 plöntur og búnaður til ræktunar, auk töluverðu af snyrtivörum, sem taldar eru vera þýfi úr verslunum.

Þessi aðgerð gaf vísibendingar um hina ræktunina, þar sem 18 plöntur fundust. Tvennt var handtekið í báðum tilvikum, allt asíumenn sem búsettir eru hér, og er fólkið í vörslu lögreglunnar.

Lögregla hefur vaxandi áhyggjur af kannabisræktun í heimahúsum vegna eldhættu. Það stafar af raka frá ræktuninni, sem getur valdið skammhlaupi í rafbúnaði þannig að eldur kviknar, eins og nýlegt dæmi er um.