Óvenjumargir bensínlausir í borginni

Óvenjumörg dæmi hafa komið upp að undanförnu í borginni þar sem menn verða bensínlausir á miðri leið. Lögregla bendir á að gerist þetta á stofnbrautum geti hætta beinlínis verið á ferðum, ekki síst í skammdeginu.

Lögregla hvetur ökumenn því til að sýna fyrirhyggju og vera þess fullvissir að bensínið dugi, að minnsta kosti á næstu bensínstöð. Þegar ökutæki skap hættu í umferðinni segist lögreglan eiga um fátt annað að velja en að láta fjarlægja viðkomandi ökutæki með kranabifreið og á kostnað umráðamanns eða eiganda.

„Í ljósi þessa hvetur lögreglan ökumenn til að sýna meiri ábyrgð og stuðla þannig að eigin öryggi sem og annarra."