Jóhanna: Mikill árangur náðst frá hruni

Forsætisráðherra segir þjóðina hafa náð gríðarlegum árangri frá hruni, samdráttarskeiðið hafi verið stryttra hér en annarss staðar og jöfnuður aukist til muna. Hún segir átök á vettvangi stjórnmálanna ekki hafa verið hatrammari á 34 ára ferli hennar sem stjórnmálamaður.

Hátíðardagskrá sautjánda júní hófst í Reykjavík með guðþjónustu í Dómkirkjunni klukkan korter yfir tíu. Uppúr ellefu hófst síða hefðbundin hátíðardagsrá Alþingis og forsætisráðuneytisins við Austurvöll þar sem forsetinn lagði blómsveig að minnisvarða Jóns Sigurðssonar.

Því næst tók Jóhanna Sigurðardóttir forsætisráðherra til máls og minntist þess sem gerst hefur á síðustu fjórum árum frá hruni. Hún sagði að búið væri að leggja grunn að nýju og betra samfélagi og erfiðasta samdráttarskeiðið hafi verið styttra hér en á öðrum löndum og árangur til aukins jöfnuðar sé mun meiri en hana dreymdi um fyrir þremur árum.

Þá sagði hún náttúru- og auðlindamál þjóðarinnar hafa verið tekin til gagngerrar endurskoðunar.

Stefnt er að því á næsta löggjafarþingi að leggja fram frumvörp um eignarráð yfir vatni og gjaldtöku af auðlindum í eigu þjóðarinnar. Þar er meðal annars gert ráð fyrir stofnun auðlindasjóðs.

Þá treysti ég því að Alþingi beri gæfu til að samþykkja á yfirstandandi þingi lög sem tryggja þjóðinni langþráðan og sanngjarnan arð af fiskveiðiauðlindinni.

Þá sagði hún átök á vettvangi stjórnmálanna valda sér áhyggjum

Hatrammari en ég hef áður upplifað á mínum 34 ára ferli sem þingmaður og ráðherra.

Þessi átök sagði hún birtast í gríðarlegu vantrausti á mikilvægustu stoðum lýðræðisins og aukinni vantrú á stjórnmálin.

Ábyrgðina berum við, kjörnir fulltrúar þjóðarinnar og enn sem komið er hefur okkur að miklu leyti mistekist í þessu mikilvæga verkefni, að endurvinna traust þjóðarinnar. Þetta þykir mér mjög miður. Úr þessu verðum við að bæta á næstu misserum ef ekki á illa að fara.

Hægt er að sjá ræðuna í heild sinni hér.