Er Timberlake á leið upp að altarinu

Hávær orðrómur er um fyrirhugað brúðkaup söngvarans Justins Timberlake og unnustu hans til margra ára, Jessicu Biel . Það sást til þeirra þegar þau blésu til mikillar veislu, hugsanlegrar æfingarveislu fyrir kvöldið stóra, þar sem fjöldi þekktra gesta lét sjá sig. Athygli vakti þó látlaust yfirbragð veislunnar sem haldin var í kastala á Ítalíu en langur aðdragandi giftingarinnar hefur aukið eftirvæntingu aðdáenda parsins um heljarinnar glysveislu, að hætti Hollywood.

Lágstemmt yfirbragð veisluhaldanna nær þó ekki lengra en sem nemur kampavínsinnflutningi og einkaþotum, þar sem brúðkaupsgestir voru ferjaðir frá New York. En mikil leynd ríkti yfir fyrirhuguðum ferðaáætlunum og sjálfum áfangastaðnum sem reyndist síðan vera Ítalía, nálægt borginni Napólí. Gestunum var jafnframt bannað að nota farsíma sína og myndavélar meðan á dvöl þeirra stendur. Hin verðandi brúðhjón mættu svo á svæðið með annarri einkaþotu. Til stendur að brúðguminn muni síðan stíga á stokk í brúðkaupinu og taka eftirlætis lag unnustunnar frá gullaldarárum sínum í hljómsveitinni ´N Sync. Það verður spennandi að vita hvaða lag það er.

Það var Daily Mail sem sagði frá.