Ég ætla að fæða í vatni

Fyrirsætan Amber Rose prýðir forsíðu tímaritsins XXL ásamt unnusta sínum Wiz Khalifa. Þau eiga von á sínu fyrsta barni saman en Amber var mjög veik fyrstu vikur meðgöngunnar.

"Ég kastaði mikið upp. Ég er enn pínulítið slöpp en mér finnst ég hafa lært mikið á þessari meðgöngu. Ég veit allavega hvað ég á að borða og hvað ég á að forðast næst þegar ég verð ólétt," segir Amber í viðtali við tímaritið. Hún ætlar að fæða barnið á náttúrulegan hátt.

"Ég er tilbúin. Ég er búin að ákveða að ég ætla að fæða náttúrulega í vatni. Engin lyf."

Parið hefur verið saman í rúmlega ár og ætlar að láta pússa sig saman áður en barnið kemur í heiminn. Brúðkaupsveislan verður þó ekki haldin fyrr en fæðingin er afstaðin.