Ung skíðahetja sofnaði standandi

Skíðamennskan getur svo sannarlega tekið á. Eftir erfiðan dag í skíðabrekkunum var Bode litli úrvinda og gat ómögulega haldið augunum opnum.

„Bode sefur standandi," segir pabbinn hlæjandi. „Hann er steinsofandi og er enn fastur við skíðin."

Fjölskyldan náði atvikinu á myndband og hefur nú sett það á vefsíðuna YouTube. Horft hefur verið á myndbandið rúmlega 200.000 sinnum.

Bode kippir sér lítið upp við hlátrasköll fjölskyldumeðlima sinna - vaggar einungis til og frá, steinsofandi.

Hið óumflýjanlega gerist loks og Bode fellur aftur fyrir sig. Blessunarlega er hann með öryggishjálm og mjúka jörð fyrir neðan sig.

Hægt er að sjá myndbandið hér fyrir ofan.